Badle badle mere ghum-khwaar nazar aate hain,
Marhale ishq ke dushwaar nazar aate hain.!
Kashti-e-ghairat-e-ahsaas salamat ya rab,
Aaj tufaan ke aasaar nazar aate hain.!
Inqilaab aaya na jaane ye chaman mein kaisa,
Ghuncha-o-gul mujhe talwaar nazar aate hain.!
Jin ki aankhon se chhalakta tha kabhi rang-e-khuloos,
In dinon maail-e-takraar nazar aate hain.!
Jo suna karte the hans hans ke kabhi naama-e-shauq,
Ab meri shakl se bezaar nazar aate hain.!
Un ke aage jo jhuki rahti hain nazrein apni,
Is liye hum hi khata-waar nazar aate hain.!
Dushman-e-khu-e-wafa rasm-e-mohabbat ke hareef,
Wahi kya aur bhi do-chaar nazar aate hain.!
Jins-e-nayaab-e-mohabbat ki khuda khair kare,
Bul-hawas us ke kharidaar nazar aate hain.!
Waqt ke poojne waale hain pujaari un ke,
Koi matlab ho to ghum-khwaar nazar aate hain.!
Jaayeza dil ka agar lo to wafa se khaali,
Shakl dekho to namak-khwaar nazar aate hain.!
Roz-e-raushan mein agar un ko dikhao taare,
Wo ye kah denge ke sarkaar nazar aate hain.!
Hum na badle the na badle hain na badlenge 'Shakeel',
Ek hi rang mein har baar nazar aate hain.!!
"Shakeel Badayuni"
_______________
Hareef = rival/ opponent,
Bul-hawas = slave of passions, very greedy, avaricious,
Namak-khwaar = a dependent, a servant,
____________________
بدلے بدلے مرے غم خوار نظر آتے ہیں
مرحلے عشق کے دشوار نظر آتے ہیں..
کشتئ غیرت احساس سلامت یا رب
آج طوفان کے آثار نظر آتے ہیں..
انقلاب آیا نہ جانے یہ چمن میں کیسا
غنچہ و گل مجھے تلوار نظر آتے ہیں..
جن کی آنکھوں سے چھلکتا تھا کبھی رنگ خلوص
ان دنوں مائل تکرار نظر آتے ہیں..
جو سنا کرتے تھے ہنس ہنس کے کبھی نامۂ شوق
اب مری شکل سے بیزار نظر آتے ہیں..
ان کے آگے جو جھکی رہتی ہیں نظریں اپنی
اس لیے ہم ہی خطاوار نظر آتے ہیں..
دشمن خوئے وفا رسم محبت کے حریف
وہی کیا اور بھی دو چار نظر آتے ہیں..
جنس نایاب محبت کی خدا خیر کرے
بوالہوس اس کے خریدار نظر آتے ہیں..
وقت کے پوجنے والے ہیں پجاری ان کے
کوئی مطلب ہو تو غم خوار نظر آتے ہیں..
جائزہ دل کا اگر لو تو وفا سے خالی
شکل دیکھو تو نمک خوار نظر آتے ہیں..
روز روشن میں اگر ان کو دکھاؤ تارے
وہ یہ کہہ دیں گے کہ سرکار نظر آتے ہیں..
ہم نہ بدلے تھے نہ بدلے ہیں نہ بدلیں گے شکیلؔ
ایک ہی رنگ میں ہر بار نظر آتے ہیں..
No comments:
Post a Comment