Shor Yunhi Na Parindon Ne Machaya Hoga

Shor yunhi na parindon ne machaya hoga..
Koi jangal ki taraf shahar se aaya hoga.!

Ped ke kaatne waalon ko ye maloom to tha..
Jism jal jayenge jab sar pe na saaya hoga.!

Baani-e-jashn-e-bahaara'n ne ye socha bhi nahin..
Kis ne kaanton ko lahu apna pilaya hoga.!

Bijli ke taar pe baitha hua hansta panchhi..
Sochta hai ke wo jangal to paraya hoga.!

Apne jangal se jo ghabra ke ude the pyaase..
Har saraab un ko samandar nazar aaya hoga.!!

"Kaifi Aazmi"
____________________

شور یوں ہی نہ پرندوں نے مچایا ہوگا
کوئی جنگل کی طرف شہر سے آیا ہوگا..

پیڑ کے کاٹنے والوں کو یہ معلوم تو تھا
جسم جل جائیں گے جب سر پہ نہ سایہ ہوگا..

بانیٔ جشن بہاراں نے یہ سوچا بھی نہیں
کس نے کانٹوں کو لہو اپنا پلایا ہوگا..

بجلی کے تار پہ بیٹھا ہوا ہنستا پنچھی
سوچتا ہے کہ وہ جنگل تو پرایا ہوگا..

اپنے جنگل سے جو گھبرا کے اڑے تھے پیاسے
ہر سراب ان کو سمندر نظر آیا ہوگا..