Main Dhundhta Hun Jise Wo Jahaan Nahin Milta

Main dhundhta hun jise wo jahaan nahin milta..
Nayi zameen naya aasman nahin milta.! 

Nayi zameen naya aasman bhi mil jaaye..
Naye bashar ka kahin kuchh nishaan nahin milta.!

Wo tegh mil gayi jis se hua hai qatl mera..
Kisi ke haath ka us par nishaan nahin milta.!

Wo mera gaanw hai wo mere gaanw ke chulhe..
Ke jin mein shole to shole dhuaan nahin milta.!

Jo ek khuda nahin milta to itna maatam kyun..
Yahan to koi mera hum-zabaan nahin milta.!

Khada hun kab se main chehron ke ek jangal mein..
Tumhaare chehre ka kuchh bhi yahaan nahin milta.!!

"Kaifi Aazmi"
____________________

میں ڈھونڈتا ہوں جسے وہ جہاں نہیں ملتا
نئی زمین نیا آسماں نہیں ملتا..

نئی زمین نیا آسماں بھی مل جائے
نئے بشر کا کہیں کچھ نشاں نہیں ملتا..

وہ تیغ مل گئی جس سے ہوا ہے قتل مرا
کسی کے ہاتھ کا اس پر نشاں نہیں ملتا..

وہ میرا گاؤں ہے وہ میرے گاؤں کے چولھے
کہ جن میں شعلے تو شعلے دھواں نہیں ملتا..

جو اک خدا نہیں ملتا تو اتنا ماتم کیوں
یہاں تو کوئی مرا ہم زباں نہیں ملتا..

کھڑا ہوں کب سے میں چہروں کے ایک جنگل میں
تمہارے چہرے کا کچھ بھی یہاں نہیں ملتا..