Main Aur Meri Aawargi

Phirte hain kab se dar-ba-dar,
Ab is nagar ab us nagar,
Ek dusre ke hum-safar, main aur meri aawargi...

Na-aashna har rah-guzar,
Na-mehrban har ek nazar,
Jaayen to ab jaayen kidhar, main aur meri aawargi.!

Hum bhi kabhi aabaad the,
Aise kahaan barbaad the,
Be-fikr the aazaad the, masroor the dil-shaad the...

Wo chaal aisi chal gaya,
Hum bujh gaye dil jal gaya,
Nikle jala ke apna ghar main aur meri aawargi.!

Jeena bahut aasan tha,
Ek shakhs ka ahsaan tha,
Hum ko bhi ek armaan tha, jo khwab ka samaan tha...

Ab khwab hai nayi aarzu,
Armaan hai nayi justuju,
Yoon bhi chalo khush hain magar main aur meri aawargi.!

Wo mah-wash wo mah-ru,
Wo mah-kaam-e-hu-ba-hu,
Thin jis ki baatein ku-ba-ku, us se ajab thi guftugu...

Phir yoon hua wo kho gayi,
To mujh ko zid si ho gayi,
Layenge us ko dhundh kar main aur meri aawargi.!

Ye dil hi tha jo sah gaya,
Wo baat aisi kah gaya,
Kahne ko phir kya rah gaya, ashkon ka dariya bah gaya... 

Jab kah ke wo dilbar gaya,
Tere liye main mar gaya,
Rote hain us ko raat bhar main aur meri aawargi.!

Ab ghum uthayen kis liye,
Aansu bahayen kis liye,
Ye dil jalayen kis liye, yoon jaan ganwayen kis liye...

Pesha na ho jis ka sitam,
Dhundhenge ab aisa sanam,
Honge kahin to kaargar main aur meri aawargi.!

Aasaar hain sab khot ke,
Imkaan hain sab chot ke,
Ghar band hain sab got ke, ab khatm hain sab totke...

Qismat ka sab ye pher hai,
Andher hai andher hai,
Aise hue hain be-asar main aur meri aawargi.!

Jab humdam-o-humraaz tha,
Tab aur hi andaaz tha,
Ab soz hai tab saaz tha, ab sharm hai tab naaz tha...

Ab mujh se ho to ho bhi kya,
Hai saath wo to wo bhi kya,
Ek be-hunar ek be-samar main aur meri aawargi.!! 

"Jawed Akhtar"
_______________

Mah-e-kaam-hu-ba-hu = same, ditto work of moon,

_________________________

پھرتے ہیں کب سے در بدر اب اس نگر اب اس نگر اک دوسرے کے ہم سفر میں اور مری آوارگی...

نا آشنا ہر رہگزر نا مہرباں ہر اک نظر جائیں تو اب جائیں کدھر میں اور مری آوارگی.!

ہم بھی کبھی آباد تھے ایسے کہاں برباد تھے بے فکر تھے آزاد تھے مسرور تھے دل شاد تھے...

وہ چال ایسی چل گیا ہم بجھ گئے دل جل گیا نکلے جلا کے اپنا گھر میں اور مری آوارگی.! 

جینا بہت آسان تھا اک شخص کا احسان تھا ہم کو بھی اک ارمان تھا جو خواب کا سامان تھا...

اب خواب ہے نے آرزو ارمان ہے نے جستجو یوں بھی چلو خوش ہیں مگر میں اور مری آوارگی.!

وہ ماہ وش وہ ماہ رو وہ ماہ کام ہو بہو تھیں جس کی باتیں کو بہ کو اس سے عجب تھی گفتگو...

پھر یوں ہوا وہ کھو گئی تو مجھ کو ضد سی ہو گئی لائیں گے اس کو ڈھونڈ کر میں اور مری آوارگی.! 

یہ دل ہی تھا جو سہ گیا وہ بات ایسی کہہ گیا کہنے کو پھر کیا رہ گیا اشکوں کا دریا بہہ گیا...

جب کہہ کے وہ دل بر گیا تیرے لیے میں مر گیا روتے ہیں اس کو رات بھر میں اور مری آوارگی.!

اب غم اٹھائیں کس لیے آنسو بہائیں کس لیے یہ دل جلائیں کس لیے یوں جاں گنوائیں کس لیے... 

پیشہ نہ ہو جس کا ستم ڈھونڈیں گے اب ایسا صنم ہوں گے کہیں تو کارگر میں اور مری آوارگی.!

آثار ہیں سب کھوٹ کے امکان ہیں سب چوٹ کے گھر بند ہیں سب گوٹ کے اب ختم ہیں سب ٹوٹکے...

قسمت کا سب یہ پھیر ہے اندھیر ہے اندھیر ہے ایسے ہوئے ہیں بے اثر میں اور مری آوارگی.! 

جب ہمدم و ہمراز تھا تب اور ہی انداز تھا اب سوز ہے تب ساز تھا اب شرم ہے تب ناز تھا... 

اب مجھ سے ہو تو ہو بھی کیا ہے ساتھ وہ تو وہ بھی کیا اک بے ہنر اک بے ثمر میں اور مری آوارگی.!