Bhadkayen Meri Pyaas Ko Aksar Teri Aankhein

Bhadkayen meri pyaas ko aksar teri aankhein,
Sahra mera chehra hai samandar teri aankhein...

Phir kaun bhala daad-e-tabassum unhein dega,
Royengi bahut mujh se bichhad kar teri aankhein...

Khaali jo hui shaam-e-ghareeba'n ki hatheli,
Kya kya na lutaati rahin gauhar teri aankhein...

Bojhal nazar aati hain ba-zaahir mujhe lekin,
Khulti hain bahut dil mein utar kar teri aankhein...

Ab tak meri yaadon se mitaye nahin mit ta,
Bheegi hui ek shaam ka manzar teri aankhein...

Mumkin ho to ek taaza ghazal aur bhi kah lun,
Phir odh na lein khwab ki chaadar teri aankhein...

Main sang-sifat ek hi raste mein khada hun,
Shayad mujhe dekhengi palat kar teri aankhein...

Yoon dekhte rahna use achchha nahin 'Mohsin',
Wo kaanch ka paikar hai to patthar teri aankhein.!!

"Mohsin Naqwi"
____________________ 

بھڑکائیں مری پیاس کو اکثر تری آنکھیں
صحرا مرا چہرا ہے سمندر تری آنکھیں..

پھر کون بھلا داد تبسم انہیں دے گا
روئیں گی بہت مجھ سے بچھڑ کر تری آنکھیں..

خالی جو ہوئی شام غریباں کی ہتھیلی
کیا کیا نہ لٹاتی رہیں گوہر تیری آنکھیں..

بوجھل نظر آتی ہیں بظاہر مجھے لیکن
کھلتی ہیں بہت دل میں اتر کر تری آنکھیں..

اب تک مری یادوں سے مٹائے نہیں مٹتا
بھیگی ہوئی اک شام کا منظر تری آنکھیں..

ممکن ہو تو اک تازہ غزل اور بھی کہہ لوں
پھر اوڑھ نہ لیں خواب کی چادر تری آنکھیں..

میں سنگ صفت ایک ہی رستے میں کھڑا ہوں
شاید مجھے دیکھیں گی پلٹ کر تری آنکھیں..

یوں دیکھتے رہنا اسے اچھا نہیں محسنؔ
وہ کانچ کا پیکر ہے تو پتھر تری آنکھیں..