Ek Pal Mein Zindagi Bhar Ki Udaasi De Gaya

Ek pal mein zindagi bhar ki udaasi de gaya,
Wo juda hote hue kuchh phool baasi de gaya...

Noch kar shaakhon ke tan se khushk patton ka libaas,
Zard mausam baanjh-rut ko be-libaasi de gaya...

Subah ke taare meri pahli dua tere liye,
Tu dil-e-be-sabr ko taskeen zara si de gaya...

Log malbo'n mein dabe saaye bhi dafnane lage,
Zalzala ahl-e-zameen ko bad-hawaasi de gaya...

Tund jhonke ki rago'n mein ghol kar apna dhuan,
Ek diya andhi hawa ko khud-shanaasi de gaya...

Le gaya 'Mohsin' wo mujh se abr banta aasman,
Us ke badle mein zameen sadiyon ki pyaasi de gaya.!!

"Mohsin Naqwi"
____________________

ایک پل میں زندگی بھر کی اداسی دے گیا
وہ جدا ہوتے ہوئے کچھ پھول باسی دے گیا.. 

نوچ کر شاخوں کے تن سے خشک پتوں کا لباس
زرد موسم بانجھ رت کو بے لباسی دے گیا..

صبح کے تارے مری پہلی دعا تیرے لیے
تو دل بے صبر کو تسکیں ذرا سی دے گیا..

لوگ ملبوں میں دبے سائے بھی دفنانے لگے
زلزلہ اہل زمیں کو بد حواسی دے گیا..

تند جھونکے کی رگوں میں گھول کر اپنا دھواں
اک دیا اندھی ہوا کو خود شناسی دے گیا..

لے گیا محسنؔ وہ مجھ سے ابر بنتا آسماں
اس کے بدلے میں زمیں صدیوں کی پیاسی دے گیا..