Wo

* Nazm *
__________

Wo kitaab-e-husn wo ilm o adab ki taaliba,

Wo mohazzab wo muaddab wo muqaddas raahiba..

Kis qadar pairaya parwar aur kitni saada-kaar,

Kis qadar sanjeeda o khamosh kitni ba-waqaar..

Gesu-e-pur-kham sawaad-e-dosh tak pahunche hue,

Aur kuchh bikhre hue uljhe hue simte hue.. 

Rang mein us ke azaab-e-khirgi shaamil nahin,

Kaif-e-ahsasaat ki afsurdagi shaamil nahin..

Wo mere aate hi us ki nukta-parwar khamoshi,

Jaise koi hoor ban jae yakayak falsafi..

Mujh pe kya khud apni fitrat par bhi wo khulti nahin,

Aisi pur-asraar ladki main ne dekhi hi nahin..

Dukhtaraan-e-shahr ki hoti hai jab mahfil kahin,

Wo ta'aruf ke liye aage kabhi badhti nahin.!!

"Jaun Eliya"
__________

Raahiba = nun,
Ba-waqaar = Lofty,
Sawaad-e-dosh = knowledge of yester-night, shouldere of head,
Azaab-e-kheergi = punishment of being dazzled,
Kaif-e-ahsasaat = ecstasy of feeling,
Afsurdagi = melancholy, depression, dejection,
Nukta-parwar = one who rewards even a small act, God,
Pur-asraar = mysterious,
Dukhtaraan-e-shahr = daughter of city,