Tere maathe pe jab tak bal raha hai,
Ujaala aankh se ojhal raha hai..
Samaate kya nazar mein chaand taare,
Tasawwur mein tera aanchal raha hai..
Teri shaan-e-taghaful ko khabar kya,
Koi tere liye bekal raha hai..
Shikayat hai ghum-e-dauraa'n ko mujh se,
Ke dil mein kyun tera ghum pal raha hai..
Ta'ajjub hai sitam ki aandhiyon mein,
Charagh-e-dil abhi tak jal raha hai..
Lahu royengi maghrib ki fazaaen,
Badi tezi se suraj dhhal raha hai..
Zamana thak gaya, 'Jalib' hi tanha,
Wafa ke raaste par chal raha hai.!!
"Habeeb Jalib"
No comments:
Post a Comment