Sher Se Shaairi Se Darte Hain

Sher se shaairi se darte hain,
Kam-nazar raushni se darte hain...

Log darte hain dushmani se teri,
Hum teri dosti se darte hain...

Dahr mein aah-e-be-kasaa'n ke siwa,
Aur hum kab kisi se darte hain...

Hum ko ghairon se dar nahin lagta,
Apne ahbaab hi se darte hain...

Daawar-e-hashr bakhsh de shayad,
Haan magar maulwi se darte hain...

Roohta hai to rooth jaaye jahaan,
Un ki hum be-rukhi se darte hain...

Har qadam par hai mohtasib 'Jalib',
Ab to hum chandni se darte hain.!!

"Habeeb Jalib"
__________

Dahr = World, Period, Era, time,
Aah-e-be-kasaa'n = sigh of helpless,
Daawar-e-hashr = judge on dooms day,
Mohtasib = officer who supervises observance of laws and punishes offenders,