Socha hai ke ab kaar-e-masiha na karenge,
Wo khoon bhi thookega to parwa na karenge..
Is baar wo talkhi hai ke roothe bhi nahin hum,
Ab ke wo ladaai hai ke jhagda na karenge..
Yaan us ke saleeqe ke hain aasaar to kya hum,
Is par bhi ye kamra tah-o-baala na karenge..
Ab naghma-tarazaan-e-bar-aafrokhta ai shahar,
Waasokht kahenge ghazal insha na karenge..
Aisa hai ke seene mein sulagti hain kharashein,
Ab saans bhi hum lenge to achchha na karenge.!!
"Jaun Eliya"
__________
Tah-o-baala = upside down, disarranged,
Naghma-tarazaan-e-bar-aafrokhta = Kindling, illuminating, enlightening; inflaming composers of songs,
Waasokht = impassioned style, vigourness of style,
Insha = writing, composition,
No comments:
Post a Comment