Shauq Ka Rang Bujh Gaya Yaad Ke Zakhm Bhar Gaye

Shauq ka rang bujh gaya yaad ke zakhm bhar gaye,
Kya meri fasl ho chuki kya mere din guzar gaye..

Rah-guzar-e-khyaal mein dosh-ba-dosh the jo log,
Waqt ki gard-baad mein jaane kahaan bikhar gaye,

Shaam hai kitni be-tapaak shahr hai kitna sahm-naak,
Hum-nafso! kahaan ho tum jaane ye sab kidhar gaye..

Paas-e-hayat ka khyaal hum ko bahut bura laga,
Pas ba-hujoom-e-ma'arka jaan ke be-sipar gaye..

Main to safo'n ke darmiyan kab se pada hun neem-jaan,
Mere tamaam jaan-nisaar mere liye to mar gaye.!!

"Jaun Eliya"
__________

Dosh-ba-dosh = shoulder to shoulder, in a row,
Gard-baad = dust storm,
Be-tapaak = without fervour,
Sahm-naak = fearsome/dreadful,
Paas-e-hayat = attention (to), regard, respect of life,
Pas = after, behind, then,
Ba-hujoom-e-ma'arka = In crowd of battlefield;
Be-sipar = unarmed,
Neem-jaan = half dead,