Sar-e-sahra habaab beche hain,
Lab-e-dariya saraab beche hain..
Aur to kya tha bechne ke liye,
Apni aankhon ke khwab beche hain..
Khud sawaal un labo'n se kar ke miyaan,
Khud hi un ke jawaab beche hain..
Zulf-koochon mein shaana-kush ne tere,
Kitne hi pech-o-taab beche hain..
Shahar mein hum kharaab haalo'n ne,
Haal apne kharaab beche hain..
Jaan-e-man teri be-naqaabi ne,
Aaj kitne naqaab beche hain..
Meri fariyaad ne sukoot ke saath,
Apne lab ke azaab beche hain.!!
"Jaun Eliya"
No comments:
Post a Comment