Nazar nazar mein liye tera pyaar phirte hain,
Misaal-e-mauj-e-naseem-e-bahaar phirte hain..
Tere dayaar se zarron ne raushni paai,
Tere dayaar mein hum sogwaar phirte hain..
Ye haadsa bhi ajab hai ke tere deewane,
Lagaye dil se ghum-e-rozgaar phirte hain..
Liye hue hain do aalam ka dard seene mein,
Teri gali mein jo deewana-waar phirte hain..
Bahaar aa ke chali bhi gai magar 'Jalib',
Abhi nigaah mein wo laala-zaar phirte hain.!!
"Habeeb Jalib"
No comments:
Post a Comment