Kabhi kabhi to bahut yaad aane lagte ho,
Ke roothte ho kabhi aur manane lagte ho..
Gila to ye hai tum aate nahin kabhi lekin,
Jab aate bhi ho to fauran hi jaane lagte ho..
Ye baat 'Jaun' tumhaari mazaaq hai ke nahin,
Ke jo bhi ho use tum aazmane lagte ho..
Tumhaari shaairi kya hai bura bhala kya hai,
Tum apne dil ki udaasi ko gaane lagte ho..
Surood-e-aatish-e-zarreen-e-sahn-e-khamoshi,
Wo daagh hai jise har shab jalane lagte ho..
Suna hai kahkashano'n mein roz-o-shab hi nahin,
To phir tum apni zabaan kyun jalane lagte ho.!!
"Jaun Eliya"
No comments:
Post a Comment