Jalwa-numaai Be-parwaai Haan Yahi Reet Jahaan Ki Hai

Jalwa-numaai be-parwaai haan yahi reet jahaan ki hai,

Kab koi lafki man ka dareecha khol ke baahar jhaanki hai..

Saj magar ek naar ko dekha jaane ye naar kahaan ki hai,

Misr ki murat cheen ki gudiya dewi hindostaan ki hai..

Mukh par roop se dhoop ka aalam baal andheri shab ki misaal,

Aankh nasheeli baat raseeli chaal bala ki baanki hai..

'Insha' ji use rok ke poochhein tum ko to muft mila hai husn,

Kis liye phir bazaar-e-wafa mein tum ne ye jins giraa'n ki hai..

Ek zara sa gosha de do apne paas jahaan se door,

Is basti mein hum logon ko haajat ek makaan ki hai..

Ahl-e-khirad tadeeb ki khaatir paathar le le aa pahunche,

Jab kabhi hum ne shahar-e-ghazal mein dil ki baat bayaan ki hai..

Mulkon mulkon shahron shahron jogi ban kar ghooma kaun,

Qarya-ba-qarya sahra-ba-sahra khaak ye kis ne phaanki hai..

Hum se jis ke taur hon baaba dekhoge do ek hi aur,

Kahne ko to shahar-e-karachi basti dil-zadagaa'n ki hai.!!

"Ibn E Insha"