Jab na aane ki qasam aap ne kha rakkhi thi,
Main ne phir kis ke liye shama jala rakkhi thi..
Rakh diya un ko bhi jholi mein sitamgaro'n ki,
Main ne jin haathon se buniyaad-e-wafa rakkhi thi..
Jaanta kaun bhala kaise kisi ke haalat,
Waqt ne beech mein deewar utha rakkhi thi..
Is liye chal na saka koi bhi khanjar mujh par,
Meri shah-rag pe meri maa ki dua rakkhi thi..
Kis liye mujh ko na sooli pe chadhaya jaata,
Munsifo'n ne ye mere sach ki saza rakkhi thi.!!
"Nazeer Baaqri"
No comments:
Post a Comment