Is taraf se guzre the qaafile bahaaron ke,
Aaj tak sulagte hain zakhm rahguzaron ke..
Khalwaton ke shaidaai khalwaton mein khulte hain,
Hum se poochh kar dekho raaz parda-daaron ke..
Gesuon ki chhaanw mein dil-nawaaz chehre hain,
Ya haseen dhundlakon mein phool hain bahaaron ke..
Pahle hans ke milte hain phir nazar churaate hain,
Aashna-sifat hain log ajnabi dayaaron ke..
Tum ne sirf chaaha hai hum ne chhu ke dekhe hain,
Pairahan ghataon ke jism barq-paaron ke..
Shughl-e-mai-parasti go jashn-e-na-muraadi tha,
Yoon bhi kat gaye kuchh din tere sogwaaron ke.!!
"Sahir Ludhianwi"
No comments:
Post a Comment