Ghar ke zindaan se use fursat mile to aaye bhi,
Jaan-faza baaton se aa ke mera dil bahlaye bhi..
Lag ke zindaan ki salakhon se mujhe wo dekh le,
Koi ye paighaam mera us talak pahunchaye bhi..
Ek chehre ko tarasti hain nigahein subah o shaam,
Zau-fishaa'n khurshid bhi hai chandni ke saaye bhi..
Siskiyaan leti hawayen phir rahi hain der se,
Aansuon ki rut mere ab gulistaan se jaaye bhi..
Roz hansta hai saleebon se udhar maah-e-muneer,
Us ke peechhe kaun hai wo chhab mujhe dikhlaye bhi.!!
"Habeeb Jalib"
__________
Zau-fishaa'n = shedding light, radiating light,
Maah-e-muneer = Shining moon,
No comments:
Post a Comment