Dushmanon ne jo dushmani ki hai,
Doston ne bhi kya kami ki hai..
Khamushi par hain log zer-e-itaab,
Aur hum ne to baat bhi ki hai..
Mutmaeen hai zameer to apna,
Baat saari zameer hi ki hai..
Apni to dastaan hai bas itni,
Ghum uthaye hain shaairi ki hai..
Ab nazar mein nahin hai ek hi phool,
Fikr hum ko kali kali ki hai..
Pa sakenge na umr bhar jis ko,
Justuju aaj bhi usi ki hai..
Jab mah-o-mahr bujh gaye 'Jalib',
Hum ne ashkon se raushni ki hai.!!
"Habeeb Jalib"
No comments:
Post a Comment