Dil-e-pur-shauq Ko Pahlu Mein Dabaye Rakkha

Dil-e-pur-shauq ko pahlu mein dabaye rakkha,
Tujh se bhi hum ne tera pyaar chhupaye rakkha..

Chhorh is baat ko ai dost ke tujh se pahle,
Hum ne kis kis ko khyaalon mein basaye rakkha..

Ghair mumkin thi zamane ke ghumon se fursat,
Phir bhi hum ne tera ghum dil mein basaye rakkha..

Phool ko phool na kahte so use kya kahte,
Kya hua ghair ne collar pe sajaye rakkha..

Jaane kis haal mein hain kaun se shahron mein hain wo,
Zindagi apni jinhein hum ne banaye rakkha..

Haye kya log the wo log pari-chehra log,
Hum ne jin ke liye duniya ko bhulaye rakkha..

Ab milein bhi to na pahchan sakein hum un ko,
Hin ko ek umr khyaalon mein basaye rakkha.!!

"Habeeb Jalib"