Dil Ko Veerana Kahoge Mujhe Maloom Na Tha

Dil ko veerana kahoge mujhe maloom na tha,
Phir bhi dil hi mein rahoge mujhe maloom na tha..

Saath duniya ka main chhodunga tumhaari khaatir,
Aur tum saath na doge mujhe maloom na tha..

Chup jo hun koi buri baat hai mere dil mein,
Tum bhi ye baat kahoge mujhe maloom na tha..

Log rote hain meri bad-nazri ka rona,
Tum bhi is rau mein bahoge mujhe maloom na tha..

Tum to be-sabr the aaghaz-e-mohabbat mein 'Hafeez',
Is qadar jabr sahoge mujhe maloom na tha.!!

"Hafeez Jalandhari"