Deewaron se mil kar rona achchha lagta hai,
Hum bhi paagal ho jayenge aisa lagta hai..
Kitne dinon ke pyase honge yaaro socho to,
Shabnam ka qatra bhi jin ko dariya lagta hai..
Aankhon ko bhi le dooba ye dil ka paagal-pan,
Aate jaate jo milta hai tum sa lagta hai..
Is basti mein kaun humare aansu ponchhega,
Jo milta hai us ka daaman bheega lagta hai..
Duniya bhar ki yaadein hum se milne aati hain,
Shaam dhhale is soone ghar mein mela lagta hai..
Kis ko patthar maarun 'Qaisar' kaun paraya hai,
Shish-mahal mein ek ek chehra apna lagta hai.!!
"Qaisar-ul-jafri"
No comments:
Post a Comment