Dasht-e-tanhaai mein kal raat hawa kaisi thi,
Der tak toot te lamhon ki sada kaisi thi..
Zindagi ne mera peechha nahin chhorha ab tak,
Umr bhar sar se na utri ye bala kaisi thi..
Sunte rahte the mohabbat ke fasane kya kya,
Boond bhar dil pe na barsi ye ghata kaisi thi..
Kya mila faisla-e-tark-e-taalluq kar ke,
Tum jo bichhde the to honthon pe dua kaisi thi..
Toot kar khud jo wo bikhra hai to maloom hua,
Jis se lipta tha wo deewar-e-ana kaisi thi..
Jism se noch ke phenki bhi to khushbu na gayi,
Ye riwayat ki boseeda qaba kaisi thi..
Doobte waqt bhanwar poochh raha hai 'Qaisar',
Jab kinare se chale the to faza kaisi thi.!!
"Qaisar-ul-jafri"
No comments:
Post a Comment