Darakht sookh gaye ruk gaye nadi naale,
Ye kis nagar ko rawana hue hain ghar waale..
Kahaniyan jo sunate the ahd-e-rafta ki,
Nishaan wo gardish-e-ayyaam ne mita daale..
Main shahar shahar phira hun isi tamanna mein,
Kisi ko apna kahun koi mujh ko apna le..
Sada na de kisi mahtaab ko andheron mein,
Laga na de ye zamana zabana par taale..
Koi kiran hai yahaan to koi kiran hai wahaan,
Dil o nigah ne kis darja rog hain paale..
Humin pe un ki nazar hai hamin pe un ka karam,
Ye aur baat yahaan aur bhi hain dil waale..
Kuchh aur tujh pe khulengi haqeeqaten 'Jalib',
Jo ho sake to kisi ka fareb bhi kha le.!!
"Habeeb Jalib"
No comments:
Post a Comment