Choor tha zakhmon se dil, zakhmi jigar bhi ho gaya,
Us ko rote the ke soona ye nagar bhi ho gaya..
Log usi surat pareshaan hain jidhar bhi dekhiye,
Aur wo kahte hain koh-e-ghum to sar bhi ho gaya..
Baam-o-dar par hai musallat aaj bhi shaam-e-alam,
Yoon to in galiyon se khurshid-e-sahar bhi ho gaya..
Us sitamgar ki haqeeqat hum pe zaahir ho gayi,
Khatm khush-fahmi ki manzil ka safar bhi ho gaya.!!
"Habeeb Jalib"
No comments:
Post a Comment