Be-dili Kya Yoonhi Din Guzar Jayenge

Be-dili kya yoonhi din guzar jayenge,
Sirf zinda rahe hum to mar jayenge..

Raqs hai rang par rang hum-raqs hain,
Sab bichhad jayenge sab bikhar jayenge.. 

Ye kharabaatiyan-e-khirad-bakhta,
Subah hote hi sab kaam par jayenge..

Kitni dilkash ho tum kitna dil-ju hun main,
Kya sitam hai ke hum log mar jayenge..

Hai ghanimat ke asraar-e-hasti se hum,
Be-khabar aaye hain be-khabar jayenge.!!

"Jaun Eliya"
__________

Dil-ju = searcher of heart; one who gives solace; encourages,
Asraar-e-hasti = secrets of existence,