Apna dil pesh karun apni wafa pesh karun,
Kuchh samajh mein nahin aata tujhe kya pesh karun..
Tere milne ki khushi mein koi naghma chhedun,
Ya tere dard-e-judaai ka gila pesh karun..
Mere khwaabon mein bhi tu mere khyaalon mein bhi tu,
Kaun si cheez tujhe tujh se juda pesh karun..
Jo tere dil ko lubhaye wo ada mujh mein nahin,
Kyun na tujh ko koi teri hi ada pesh karun.!!
"Sahir Ludhianwi"
No comments:
Post a Comment