Ab aayen ya na aayen idhar puchhte chalo,
Kya chaahti hai un ki nazar puchhte chalo..
Hum se agar hai tark-e-ta'alluq to kya hua,
Yaaro koi to un ki khabar puchhte chalo..
Jo khud ko kah rahe hain ke manzil-shanaas hain,
Un ko bhi kya khabar hai magar puchhte chalo..
Kis manzil-e-muraad ki jaanib rawaa'n hain hum,
Ai rah-rawaan-e-khaak-basar puchhte chalo.!!
"Sahir Ludhianwi"
No comments:
Post a Comment