Ab Teri Zarurat Bhi Bahut Kam Hai Meri Jaan

Ab teri zarurat bhi bahut kam hai meri jaan,
Ab shauq ka kuchh aur hi aalam hai meri jaan..

Ab tazkira-e-khanda-e-gul baar hai ji par,
Jaan waqf-e-ghum-e-girya-e-shabnam hai meri jaan..

Rukh par tere bikhri hui ye zulf-e-siyah-taab,
Tasveer-e-pareshani-e-aalam hai meri jaan..

Ye kya ke tujhe bhi hai zamane se shikayat,
Ye kya ke teri aankh bhi pur-nam hai meri jaan..

Hum sada-dilon par ye shab-e-ghum ka tasallut,
Mayoos na ho aur koi dam hai meri jaan..

Ye teri tawajjoh ka hai aijaaz ke mujh se, 
Har shakhs tere shahar ka barham hai meri jaan..

Ai nuzhat-e-mahtaab tera ghum hai meri zeest,
Ai naazish-e-khurshid tera ghum hai meri jaan.!!

"Habeeb Jalib"