Apnon ne wo ranj diye hain begane yaad aate hain,
Dekh ke us basti ki haalat veerane yaad aate hain..
Us nagri mein qadam qadam pe sar ko jhukana padta hai,
Us nagri mein qadam qadam par but-khaane yaad aate hain..
Aankhein pur-nam ho jaati hain ghurbat ke sahraon mein,
Jab us rim-jhim ki waadi ke afsaane yaad aate hain..
Aise aise dard mile hain naye dayaron mein hum ko,
Bichhde hue kuchh log purane yarane yaad aate hain..
Jin ke kaaran aaj humare haal pe duniya hasti hai,
Kitne zaalim chehre jaane pahchane yaad aate hain..
Yoon na luti thi galiyon daulat apne ashkon ki,
Rote hain to hum ko apne ghum-khaane yaad aate hain..
Koi to parcham le kar nikle apne garebaan ka 'Jalib',
Chaaron jaanib sannata hai deewane yaad aate hain.!!
"Habeeb Jalib"
No comments:
Post a Comment