Aakhir ek din shaad karoge..
Mera ghar aabaad karoge.!
Pyaar ki baatein wasl ki raatein..
Yaad karoge yaad karoge.!
Kis dil se aabaad kiya tha..
Kis dil se barbaad karoge.!
Main ne apni qeemat kah di..
Tum bhi kuchh irshaad karoge.!
Zar ke bando aql ke andho..
Tum kya mujh ko shaad karoge.!
Jab mujh ko chup lag jaayegi..
Phir tum bhi fariyaad karoge.!
Aur tumhein aata hi kya hai..
Koi sitam ijaad karoge.!
Tang aa kar ai banda-parwar..
Bande ko aazaad karoge.!
Mere dil mein basne waalo..
Tum mujh ko barbaad karoge.!
Husn ko ruswa kar ke marunga..
Aakhir tum kya yaad karoge.!
Hashr ke din ummid hai naaseh..
Tum meri imdaad karoge.!!
"Hafeez Jalandhari"
No comments:
Post a Comment