Ye meri umr, mere maah-o-saal de us ko,
Mere khuda mere dukh se nikaal de us ko,
Woh chup khada hai kayi din se teri khaatir to,
Kiwaad khol de azn-e-sawaal de us ko,
Azaab-e-bad'nazri ka jise shauur na ho,
Ye meri aankhein, mere khadh-o-khaal de us ko,
Ye dekhna shab-e-hijraa'n ke kis ki dastak hai,
Wisaal rut hai agar woh, to taal de us ko,
Woh jis ka harf-e-duaa raushni hai mere liye,
Main bujh bhi jaaun to maula ujaal de us ko..!!
"Noshi Gilani"
No comments:
Post a Comment