Yaaro kisi qaatil se kabhi pyaar na maango,
Apne hi gale ke liye talwaar na maango,
Gir jaoge tum apne maseeha ki nazar se,
Nar kar bhi ilaaj-e-dil-e-beemar na maango,
Khul jayega is tarah nigaahon ka bharam bhi,
Kaanton se kabhi phool ki mahkaar na maango,
Sach baat pe milta hai sada zahar ka piyala,
Jeena hai to phir jeene ka izhaar na maango,
Us cheez ka kya zikr jo mumkin hi nahin hai,
Sahra mein kabhi saaya-e-deewar na maango.!!
"Qateel Shifai"
No comments:
Post a Comment