Un ko ahd-e-shabaab mein dekha,
Chandni ko sharaab mein dekha,
Aankh ka aitebaar kya karte,
Jo bhi dekha wo khwaab mein dekha,
Daagh sa mahtaab mein paaya,
Zakhm sa aaftab mein dekha,
Jaam la kar qareeb aankhon ke,
Aap ne kuchh sharaab mein dekha,
Kis ne chheda tha saaz-e-masti ko?
Ek shoala rubaab mein dekha,
Log kuchh mutmaeen bhi the phir bhi,
Jis ko dekha azaab mein dekha,
Hijr ki raat so gaye the 'Adam',
Subah-e-mahshar ko khwaab mein dekha.!!
"Abdul Hameed Adam"
No comments:
Post a Comment