Tu is qadar mujhe apne qareeb lagta hai,
Tujhe alag se jo sochun ajeeb lagta hai,
Jise na husn se matlab na ishq se sarokaar,
Wo shakhs mujh ko bahut bad-naseeb lagta hai,
Hudood-e-zaat se baahar nikal ke dekh zara,
Na koi ghair na koi raqeeb lagta hai,
Ye dosti ye marasim ye chahatein ye khuloos,
Kabhi kabhi mujhe sab kuchh ajeeb lagta hai,
Ufuq pe door chamakta hua koi taara,
Mujhe charagh-e-dayar-e-habeeb lagta hai..!!
"Jaan Nisaar Akhtar"
No comments:
Post a Comment