Tamaam umr azaabon ka silsila to raha,
Ye kam nahin humein jine ka hausla to raha,
Guzar hi aaye kisi tarah tere deewane,
Qadam qadam pe koi sakht marhala to raha,
Chalo na ishq hi jeeta na aql haar saki,
Tamam waqt maze ka muqabla to raha,
Main teri zaat mein gum ho saka na tu mujh mein,
Bahut qareeb the hum phir bhi faasla to raha,
Ye aur baat ke har chhed la-ubaali thi,
Teri nazar ka dilon se muaamla to raha.!!
"Jaan Nisaar Akhtar"
__________
La-ubaali = careless, insolent, licentious,
No comments:
Post a Comment