Tera chehra kitna suhana lagta hai,
Tere aage chaand purana lagta hai,
Tirchhe tirchhe teer nazar ke lagte hain,
Seedha seedha dil pe nishana lagta hai,
Aag ka kya hai pal do pal mein lagti hai,
Bujhte bujhte ek zamana lagta hai,
Paanw na baandha panchhi ka, par baandha,
Aaj ka bachcha kitna siyana lagta hai,
Sach to ye hai phool ka dil bhi chhalni hai,
Hansta chehra ek bahana lagta hai,
Sunne waale ghanton sunte rahte hain,
Mera fasana sab ka fasana lagta hai,
'Kaif' bata kya teri ghazal mein jaadu hai,
Bachcha bachcha tera deewana lagta hai.!!
"Kaif Bhopali"
No comments:
Post a Comment