Tadapti hain tamannayen kisi aaram se pahle,
Luta hoga na yun koi dil-e-nakaam se pahle,
Ye aalam dekh kar tu ne bhi aankhein pher lin warna,
Koi gardish nahin thi gardish-e-ayyaam se pahle,
Gira hai toot kar shayad meri taqdeer ka taara,
Koi aawaz aai thi shikast-e-jaam se pahle,
Koi kaise kare dil mein chhupe tufaan ka andaaza,
Sukoot-e-marg chhaya hai kisi kohraam se pahle,
Na jaane kyun humein is dam tumhaari yaad aati hai,
Jab aankhon mein chamakte hain sitaare shaam se pahle,
Sunega jab zamana meri barbaadi ke afsaane,
Tumhaara naam bhi aayega mere naam se pahle.!!
"Qateel Shifai"
No comments:
Post a Comment