Shikayat hum nahin karte riaayat wo nahin karte,
Magar is par sitam koi wazahat wo nahin karte..
Rawaa'n ho kis tarah se chahaton ka karwaa'n apna,
Humein ruswaai ka darr hai baghawat wo nahin karte..
Humin jalwa dikhate hain humin shokhi nigaahon se,
Nahin hota asar phir bhi shararat wo nahin karte..
Nazar do-chaar ho jaate to jhuk jaati hain ye palkein,
Magar phir bhi koi jazba inayat wo nahin karte..
Saba le kar payaam aaye ya phoolon ka salaam aaye,
Kisi bhi mausam-e-dil se mohabbat wo nahin karte..
Koi naama koi email mere naam likh dein wo,
Mohabbat mein kabhi itni bhi zahmat wo nahin karte.!!
"Farah Iqbal"
No comments:
Post a Comment