Sharminda unhein aur bhi ai mere khuda kar,
Dastaar jinhein di hai unhein sar bhi ata kar,
Loota hai sada jis ne humein dost bana kar,
Hum khush hain usi shakhs se phir haath mila kar,
Darr hai ke na le jaaye wo hum ko bhi chura kar,
Hum laaye hain ghar mein jise mehman bana kar,
Ek mauj dabe paanw taaqub mein chali aai,
Hum khush the bahut ret ki deewar bana kar,
Hum chaahein ke mil jaayen humein dhher se moti,
Seedhi kisi pur-haul samandar mein laga kar,
Darkaar ujala hai magar sahme hue hain,
Kar de na andhera koi barood jala kar,
Le is ne tera kaasa-e-jaan tod hi daala,
Ja kucha-e-qaatil mein 'Qateel' aur sada kar.!!
"Qateel Shifai"
No comments:
Post a Comment