Raah dushwaar bhi hai be-sar-o-samaani bhi,
Aur is dil ko hai kuchh aur pareshaani bhi,
Ye jo manzar tere aage se sarakta hi nahin,
Is mein shaamil hai teri aankh ki hairaani bhi,
Apne majboor pe kuchh aur karam ho ke use,
Kam padi jaati hai ab ghum ki farawaani bhi,
Sirf afsos ka saaya hi nahin hai hum par,
Hum ke hain khwab-e-tab-o-taab ke zindaani bhi,
Be-niyaazi ki wo khu jaise kabhi thi hi nahin,
Khwab the jaise wo ayyam-e-tan-asaani bhi..
Raah teri chhorh ke kyun jaanib-e-duniya aaye,
Hum ko jeene nahin deti ye pashemaani bhi..!!
"Abrar Ahmad"
No comments:
Post a Comment