Phoolon Mein Wo Khushbu Wo Sabahat Nahin Aai

Phoolon mein wo khushbu wo sabahat nahin aai,
Ab tak tere aane ki shahadat nahin aai,

Mausam tha numaaish ka magar aankh na kholi,
Jaanan tere zakhmon ko siyasat nahin aai,

Jo rooh se aazaar ki maanind lipat jaaye,
Hum par wo ghadi ai shab-e-wahshat nahin aai,

Ai dasht-e-anal-haq tere qurbaan abhi tak,
Wo manzil izhaar-e-sadaqat nahin aai,

Hum log ke hain maaon se bichhde hue bachche,
Hisse mein kisi ke bhi mohabbat nahin aai,

Hum ne to bahut harf teri mad'h mein soche,
Afsos ki sunwaai ki naubat nahin aai,

Larze bhi nahin shahar ke hassaas dar-o-baam,
Dil raakh hue phir bhi qayamat nahin aai,

'Sajid' wo sahar jis ke liye raat bhi roi,
Aai to sahi hasb-e-zaroorat nahin aai.!!

"Aitebaar Sajid"
___
Mad'h = praise,