Phool The Rang The Lamhon Ki Sabahat Hum The

Phool the rang the lamhon ki sabahat hum the,
Aise zinda the ke jeene ki alamat hum the,

Sab khirad-mand bane phirte the masha-Allah,
Bas tere shahar mein ek saahib-e-wahshat hum the,

Naam bakhsha hai tujhe kis ke wufoor-e-ghum ne,
Gar koi tha to tere mujrim-e-shohrat hum the,

Ab to khud apni zaroorat bhi nahin hai hum ko,
Wo bhi din the ke kabhi teri zaroorat hum the,

Dhoop ke dasht mein kitna wo humein dhundhta tha,
"Aitebaar" us ke liye abr ki surat hum the.!!

"Aitebaar Sajid"
___
Sabahat = beauty, gracefulness, comliness,
Alamat = symptom/ sign,
Khirad-mand = wise, intelligent,
Saahib-e-wahshat = men of frenzy,
Wufoor-e-ghum = excess of sorrow,