Ped Ke Patton Mein Halchal Hai Khabardaar Se Hain

Ped ke patton mein halchal hai khabardaar se hain,
Shaam se tez hawa chalne ke aasaar se hain..

Nakhuda dekh raha hai ki main girdaab mein hun,
Aur jo pul pe khade log hain akhbaar se hain..

Chadhte sailaab mein saahil ne to munh dhaanp liya,
Log paani ka kafan lene ko tayyaar se hain..

Kal tawarikh mein dafnaye gaye the jo log,
Un ke saaye abhi darwazon pe bedaar se hain..

Waqt ke teer to seene pe sambhaale hum ne,
Aur jo neel pade hain teri guftaar se hain.. 

Rooh se chheele hue jism jahaan bikte hain,
Hum ko bhi bech de hum bhi usi bazaar se hain..

Jab se wo ahl-e-siyasat mein hue hain shaamil,
Kuchh adu ke hain to kuchh mere tarafdaar se hain.!!

"Gulzaar"

پیڑ کے پتوں میں ہلچل ہے خبردار سے ہیں
شام سے تیز ہوا چلنے کے آثار سے ہیں..

ناخدا دیکھ رہا ہے کہ میں گرداب میں ہوں
اور جو پل پہ کھڑے لوگ ہیں اخبار سے ہیں..

چڑھتے سیلاب میں ساحل نے تو منہ ڈھانپ لیا
لوگ پانی کا کفن لینے کو تیار سے ہیں..

کل تواریخ میں دفنائے گئے تھے جو لوگ
ان کے سائے ابھی دروازوں پہ بیدار سے ہیں..

وقت کے تیر تو سینے پہ سنبھالے ہم نے
اور جو نیل پڑے ہیں تری گفتار سے ہیں..

روح سے چھیلے ہوئے جسم جہاں بکتے ہیں
ہم کو بھی بیچ دے ہم بھی اسی بازار سے ہیں..

جب سے وہ اہل سیاست میں ہوئے ہیں شامل
کچھ عدو کے ہیں تو کچھ میرے طرف دار سے ہیں..