Os Padi Thi Raat Bahut Aur Kohra Tha Garmaaish Par

Os padi thi raat bahut aur kohra tha garmaaish par,
Saili si khamoshi mein aawaz suni farmaaish par..

Faasle hain bhi aur nahin bhi naapa taula kuchh bhi nahin,
Log ba-zid rahte hain phir bhi rishton ki paimaaish par..

Munh moda aur dekha kitni dur khade the hum donon,
Aap lade the hum se bas ek karwat ki gunjaaish par..

Kaaghaz ka ek chaand laga kar raat andheri khidki par,
Dil mein kitne khush the apni furqat ki aaraaish par..

Dil ka hujra kitni baar ujda bhi aur basaya bhi,
Saari umr kahaan thehra hai koi ek rihaaish par..

Dhoop aur chhaanw baant ke tum ne aangan mein deewaar chuni,
Kya itna aasaan hai zinda rahna is aasaaish par..

Shayad teen nujoomi meri maut pe aa kar pahunchenge,
Aisa hi ek baar hua tha isa ki paidaaish par.!!

"Gulzaar"
__________

Garmaaish = warmth,
Paimaaish = measurement, survey,
Aaraaish = decoration, adornment, embellishment,
Rihaaish = residence,
Aasaaish = comfort, luxury,

اوس پڑی تھی رات بہت اور کہرہ تھا گرمائش پر
سیلی سی خاموشی میں آواز سنی فرمائش پر..

فاصلے ہیں بھی اور نہیں بھی ناپا تولا کچھ بھی نہیں
لوگ بضد رہتے ہیں پھر بھی رشتوں کی پیمائش پر..

منہ موڑا اور دیکھا کتنی دور کھڑے تھے ہم دونوں
آپ لڑے تھے ہم سے بس اک کروٹ کی گنجائش پر..

کاغذ کا اک چاند لگا کر رات اندھیری کھڑکی پر
دل میں کتنے خوش تھے اپنی فرقت کی آرائش پر..

دل کا حجرہ کتنی بار اجڑا بھی اور بسایا بھی
ساری عمر کہاں ٹھہرا ہے کوئی ایک رہائش پر..

دھوپ اور چھاؤں بانٹ کے تم نے آنگن میں دیوار چنی
کیا اتنا آسان ہے زندہ رہنا اس آسائش پر..

شاید تین نجومی میری موت پہ آ کر پہنچیں گے
ایسا ہی اک بار ہوا تھا عیسیٰ کی پیدائش پر..