Nigaahon mein khumaar aata hua mahsoos hota hai,
Tasawwur jaam chhalkaata hua mahsoos hota hai,
Khiraam-e-naaz aur un ka khiraam-e-naaz kya kahna,
Zamana thokaren khata hua mahsoos hota hai,
Tasawwur ek zehni justuju ka naam hai shayad,
Dil un ko dhundh kar lataa hua mahsoos hota hai,
Kisi ki nuqrai paazeb ki jhankaar ke sadqe,
Mujhe saara jahaan gaata hua mahsoos hota hai,
'Qateel' ab dil ki dhadkan ban gayi hai chaap qadmon ki,
Koi meri taraf aata hua mahsoos hota hai.!!
"Qateel Shifai"
___
Khiraam-e-naaz = Coquettish way of walking,
Nuqrai = silver bells,
No comments:
Post a Comment