Nazdeekiyon mein door ka manzar talaash kar,
Jo haath mein nahin hai wo patthar talaash kar,
Suraj ke ird-gird bhatakne se faayeda,
Dariya hua hai gum to samundar talaash kar,
Tareekh mein mahal bhi hai haakim bhi takht bhi,
Gumnaam jo hue hain wo lashkar talaash kar,
Rahta nahin hai kuchh bhi yahaan ek sa sada,
Darwaza ghar ka khol ke phir ghar talaash kar,
Koshish bhi kar ummeed bhi rakh raasta bhi chun,
Phir is ke baad thoda muqaddar talaash kar.!!
"Nida Fazli"
No comments:
Post a Comment