Meri aankhon mein tere pyaar ka aansu aaye,
Koi khushbu main lagaaun teri khushbu aaye,
Waqt-e-rukhsat kahin taare kahin jugnu aaye,
Haar pahnaane mujhe phool se baazu aaye,
Main ne din raat khuda se ye dua maangi thi,
Koi aahat na ho dar par mere jab tu aaye,
In dinon aap ka aalam bhi ajab aalam hai,
Teer khaya hua jaise koi aahu aaye,
Us ki baatein ke gul-o-laala pe shabnam barse,
Sab ko apnaane ka us shokh ko jaadu aaye,
Us ne chhu kar mujhe patthar se phir insaan kiya,
Muddaton baad meri aankhon mein aansu aaye.!!
"Basheer Badr"
___
Aahu = deer, antelope, gazelle
No comments:
Post a Comment