Log kahte hain ke tu ab bhi khafa hai mujh se,
Teri aankhon ne to kuchh aur kaha hai mujh se,
Haye us waqt ko kosu'n ke dua dun yaaro,
Jis ne har dard mera chheen liya hai mujh se,
Dil ka ye haal ke dhadke hi chala jaata hai,
Aisa lagta hai koi jurm hua hai mujh se,
Kho gaya aaj kahaan rizq ka dene waala,
Koi roti jo khada maang raha hai mujh se,
Ab mere qatl ki tadbeer to karni hogi,
Kaun sa raaz hai tera jo chhupa hai mujh se.!
"Jaan Nisaar Akhtar"
No comments:
Post a Comment