Kiye Aarzu Se Paimaan Jo Ma'al Tak Na Pahunche

Kiye aarzu se paimaan jo ma'al tak na pahunche,
Shab-o-roz-e-ashnaai maah o saal tak na pahunche,

Wo nazar baham na pahunchi ke muhit-e-husn karte,
Teri deed ke waseele khad-o-khaal tak na pahunche,

Wahi chashma-e-baqa tha jise sab saraab samjhe,
Wahi khwab mo'atbar the jo khyaal tak na pahunche,

Tera lutf wajh-e-taskeen na qaraar sharah-e-ghum se,
Ke hain dil mein wo gile bhi jo malaal tak na pahunche,

Koi yaar jaan se guzra koi hosh se na guzra,
Ye nadim-e-yak-do-saaghar mere haal tak na pahunche,

Chalo 'Faiz' dil jalayen karein phir se arz-e-jaanaa, 
Wo sukhan jo lab tak aaye par sawaal tak na pahunche.!!

"Faiz Ahmad Faiz"
__________

Paimaa'n = promise,
Ma'al = result,
Muhit-e-husn = the act of encompassing beauty,
Waseele = means, mediation, support,
Khad-o-Khaal = features, shape, physique,
Chashma-e-baqa = spring of eternity,
Sharah-e-ghum = interpretation of sorrow.
Nadim-e-yak-do-saaghar = companio of one or two pegs,